目錄
【抗癌勇士，願你安息】J2節目《不正常愛情研究所》主持文頌男（Koba）去年12月公開患罕見的尤文氏肉瘤（Ewing's Sarcoma）。直至7月13 日晚上，其社交平台突然更新，公布他的死訊：「好抱歉，喺呢度要同大家講一啲好沉重嘅事。當大家睇到呢一篇文章嘅時候，我已經離開咗人世。」終年29歲。
文頌男（Koba）原名陳文男，擔任無綫電視J2台的《不正常愛情研究所》主持一年多，他某天感到腰痛難忍，到醫院求診後患上罕見癌「尤文氏肉瘤」。確診癌症後，文頌男積極抗癌，但亦曾透露，劇痛得猶如火燒刀割而不能坐下，其後經歷五次化療後，他曾宣告治療無效，椎間近盤骨的惡性腫瘤疑有增大跡象，又表示有考慮過去瑞士安樂死。
預寫遺言，感謝親友及各界關心
文頌男於6月尾已知時日不多，7月10日事先寫好道別文，13日過世當天由旁人代為發布，透露過去幾個星期一直在努力接受身體上的變化，選擇不對外透露病情，也沒有向媒體交代，「呢幾個星期以嚟，我一直努力接受自己身體上嘅變化。呢段時間，我選擇咗唔對外透露自己嘅病情，亦冇同任何傳媒交代，因為我未有勇氣去接受呢啲變化。
其實，早喺2024年6月22號，我就因為下半身完全癱瘓、完全郁唔到、冇任何知覺而入院。呢個情況亦令我排唔到尿，所以當時要緊急送入醫院。
自從入院以嚟，到我撰文呢一刻（2024年7月10號），已經接近三個星期。唔好講病情冇好轉，反而越嚟越差。胸口以下仍然係完全冇知覺，完全控制唔到排泄功能，需要換尿片同埋插尿喉。癌細胞已經擴散去好多唔同嘅位置，例如胸、肺、多個脊椎、淋巴，甚至有啲腫瘤我可以喺外部摸到。有知覺嘅地方都感覺24小時都好痛，例如肩胛骨、頸椎、頭皮。」
貼文最後更感謝身邊親友及各界在這段時間的關心和支持。「喺人生嘅最後一哩路，非常感謝親友同各界人士一直以嚟嘅支持同關心，呢段旅程有你哋陪伴，我感到無比幸運同感激。」
尤文氏肉瘤：罕見惡疾，多出現在年輕人身上
尤文氏肉瘤是骨癌的一種，多在年輕人身上出現，發生率為每十萬人中0.1人，屬於罕見惡疾。臨床腫瘤科專科醫生劉健生指這種罕見但惡性的骨肉瘤，通常發生在骨骼中，尤其是盤骨和長骨（例如股骨）。它屬於原始神經外胚層細胞的腫瘤，可能影響骨骼和軟組織。
尤文氏肉瘤在年輕人中相對較常見，特別是在10至25歲的年齡階段。男性比女性更容易罹患此病，但具體原因尚不清楚。研究表明，尤文氏肉瘤可能與第22號染色體的基因變異有關（60%的基因變異為EWS-FLI1融合變異），但仍然需要更多的研究來確定好發族群和相關風險因素。
瀏覽健康嗎其他平台🔎Youtube播放清單及優惠資訊 linkby.tw/healthcodehk
